«Սարյանի աստիճաններ»
«Սարյանի աստիճաններ» նախաձեռնությունը միավորում է մշակույթը, արվեստը և ժամանակակից քաղաքային զարգացումը՝ նպաստելով մեր երկրում նոր միջավայրի ստեղծմանը:
Նախագիծը կյանքի է կոչվում «Կերոն» զարգացման հիմնադրամի, Կենտրոն վարչական շրջանի և «Մանե Թայլս» ընկերության համատեղ ջանքերով։
Ծրագրի առանցքում է մեր երկրում հանրային տարածքների բարեկարգումն ու վերափոխումը և ներառում է տարածքի կանաչապատում, լուսավորության տեղադրում, մայթեզրի լայնացում և ժամանակակից ինստալացիայի տեղադրում աստիճանների վերևում գտնվող փոքրիկ պուրակում:
Նախագծի առաջին փուլով արդեն ներկայացվել է Մարտիրոս Սարյանի հարուստ գունաշխարհն ու ոգին Երևանի կենտրոնում՝ վերարտադրելով մեծ նկարչի «Հայաստան» կտավը 1620 ամբողջությամբ ձեռքով պատրաստված կավե սալիկներով ստեղծված խճանկարով:
Նպատակները
- Վերափոխել Սարյանի աստիճանները և հարակից տարածքը՝ ստեղծելով ժամանակակից, ոգեշնչող միջավայր
- Ներկայացնել հայկական մշակութային ժառանգությունը նորարար լուծումներով
- Ստեղծել կանաչապատ և բարեկարգված միջավայր՝ հաճելի քաղաքային փորձառություն ապահովելու ինչպես երևանցիների, այնպես էլ զբոսաշրջիկների համար
«Կերոն» զարգացման հիմնադրամի ռազմավարական առաջնահերթություններից մեկն է տարածքային զարգացումը։ «Սարյանի աստիճաններ» նախաձեռնությունը հենց այս ուղղության շրջանակում է՝ նպաստելով հանրային տարածքների բարեկարգմանն ու նորոգմանը, ինչպես նաև Հայաստանում կյանքի որակի բարելավմանը։ Մեր նպատակն է ձևավորել միջավայրեր, որոնք կբարձրացնեն քաղաքի գեղագիտական տեսքը, կխթանեն համայնքային ներգրավվածությունը և կներկայացնեն Հայաստանը որպես մշակութային ու ճարտարապետական տեսանկյունից զարգացող երկիր։