Շառլ Ազնավուրի 100-ամյակը
Շառլ Ազնավուրը իր ժամանակների ականավոր արտիստն էր, բարեգործ ու նվիրյալ հայ, ում ջանքերով իրականացվել են բարեգործական ծրագրեր ինչպես Հայաստանում, այնպես էլ ամբողջ աշխարհում:
Որպես ֆրանսահայ երգիչ, բանաստեղծ, դերասան և գրող Շառլ Ազնավուրը հայ ժողովրդին և աշխարհին թողել է ահռելի ժառանգություն` համաշխարհային համբավ ձեռք բերելով իր ձայնի, անզուգական պոեզիայի և յուրօրինակ գեղարվեստական ոճի շնորհիվ:
Նրա երաժշտությունը հատում է սահմաններն ու սերունդները ՝ դարձնելով նրան ականավոր կերպար ինչպես Ֆրանսիայում, այնպես էլ ամբողջ աշխարհում: Հայաստանում Շառլ Ազնավուրին ընկալում են ոչ միայն որպես աշխարհահռչակ արտիստի, այլ ազգային հերոսի, ով համարվում է հայության դեսպանն ամբողջ աշխարհում։
Լեգենդար արտիստի հարյուրամյակի շրջանակներում «Ազնավուր» հիմնադրամը իրականացնում է տոնակատարությունների համապարփակ ծրագրեր, որոնք տեղի կունենան Ֆրանսիայում, Հայաստանում և ամբողջ աշխարհում։
Մայիսի 22-ին, Կասկադում՝ Գաֆէսճեան քանդակների պարտեզում, տեղի ունեցավ մեծ երաժշտի 100-ամյակին նվիրված բացօթյա համերգ: Համերգի հատուկ հյուրը ֆրանսիացի դաշնակահար Էրիկ Բերշոն էր, ով տարիներ շարունակ նվագակցել է Ազնավուրին:
Հոբելյանական այս համերգը սկիզբ դրեց «Կերոն» զարգացման հիմնադրամի և «Ազնավուր» հիմնադրամի միջև համագործակցությանը:
