Անահիտ աստվածուհու բրոնզե արձանի ցուցադրությունը Հայաստանում

Նպատակ

Պահպանել և խթանել հայկական մշակութային ժառանգությունը՝ տեղացիներին և զբոսաշրջիկներին առաջարկելով եզակի հնարավորություն ծանոթանալու հայկական պատմության և արվեստի նշանակալի արժեքներից մեկին։ Միաժամանակ ընդգծել հայաստանյան և միջազգային մշակութային հաստատությունների արդյունավետ համագործակցությունը, որը ճանապարհ է բացում ապագա մշակութային փոխանակումների և ցուցահանդեսների համար

Նախագծի կատեգորիա՝
Զարգացման և աջակցության նախաձեռնություններ

Գործընկերներ՝ ՀՀ ԿԳՄՍ նախարարություն, Հայաստանի պատմության թանգարան, Մշակույթի զարգացման հիմնադրամ, Բրիտանական թանգարան

Տևողություն՝
Սեպտեմբեր 21, 2024 — Ապրիլի 10, 2025

Անահիտ աստվածուհու բրոնզաձույլ արձանն առաջին անգամ ցուցադրվեց Հայաստանի պատմության թանգարանում «Մայր աստվածություն. Անահիտից Մարիամ» խորագրով պատմական ցուցադրության շրջանակներում: Անահիտի արձանը, որը պահվում է Բրիտանական թանգարանում, ոչ միայն հին հայկական արվեստի հազվագյուտ պահպանված օրինակ է, այլև հայկական մշակութային ինքնության և պատմական ժառանգության հզոր խորհրդանիշ:

Անահիտ աստվածուհին, որպես պտղաբերության, մայրության և իմաստության խորհրդանիշ, նշանակալից տեղ է զբաղեցնում հայոց պատմության, դիցաբանության և մշակույթի մեջ։ Նրա բրոնզե արձանի բեկորները՝ գլուխն ու ձեռքը, պատահաբար հայտնաբերվել են 1872 թվականին Սադակ քաղաքում: Բրիտանական թանգարանի տվյալներով՝ գլուխը ճանապարհորդել է Կոստանդնուպոլսով և Իտալիայով, այնուհետև ձեռք է բերվել դիլեր Ալեսանդրո Կաստելանիի կողմից, ով էլ ի վերջո վաճառել է այն Բրիտանական թանգարանին: Մի քանի տարի անց ձեռքը նույնպես ներկայացվել է թանգարանին։

Այս բացառիկ ցուցադրությունը իրականություն է դարձել Հայաստանի պատմության թանգարանի և Բրիտանական թանգարանի միջև ձեռք բերված համաձայնության շնորհիվ և նշանակալից իրադարձություն է Հայաստանի մշակութային կյանքում՝ վերադարձնելով հայկական ժառանգության այս կարևոր խորհրդանիշը հայրենիք՝ թեկուզ ժամանակավոր:

ՑՈՒՑԱԴՐՈՒԹՅԱՆ ԲԱՑԱՌԻԿ ՆԱԽԱԴԻՏՈՒՄ

Սեպտեմբերի 19, 2024

«Կերոն» զարգացման հիմնադրամի կողմից կազմակերպված բացառիկ փակ միջոցառում Հայաստանի պատմության թանգարանում, որի ընթացքում հիմնադրամի հյուրերը ներկա գտնվեցին «Մայր աստվածություն. Անահիտից Մարիամ» պատմական ցուցահանդեսի նախադիտմանը և դարձան առաջիններից մեկը, ով ականատես եղավ Անահիտ աստվածուհու բրոնզաձույլ արձանի առաջին ցուցադրությանը Հայաստանում:

ԱՍՏՂԱՅԻՆ ԳԻԴԵՐ

Նոյեմբեր 2024 – Մարտ 2025

Ներգրավել լայն և բազմազան զանգվածների այցելել ցուցադրությանը՝ օգտագործելով հայտնի հայ աստղերի ժողովրդականությունը և ազդեցությունը:

ՀԱՄԱԳՈՐԾԱԿՑՈՒԹՅՈՒՆ AZAT MARD-Ի ՀԵՏ

Հոկտեմբեր 2024 – Մարտ 2025

«Կերոն» հիմնադրամի նախաձեռնությամբ իրականացվեց AZAT MARD հայկական բրենդի և Բրիտանական թանգարանի միջև համագործակցություն, որի արդյունքում կստեղծվի Անահիտ աստվածուհու շապիկների բացառիկ շարք՝ համադրելով մշակութային ժառանգությունն ու ժամանակակից դիզայնը։