Ռուսական արվեստի թանգարան
Ռուսական արվեստի թանգարանի 40-ամյակի և հիմնադիր՝ ականավոր բժիշկ, պրոֆեսոր Արամ Աբրահամյանի 125-ամյակի տոնակատարության կապակցությամբ «Կերոն» զարգացման հիմադրամը նախաձեռնել է համագործակցություն, որն ուղղված է թանգարանի ռուսական «Մշակութային Վերածննդի» շրջանի բացառիկ հավաքածուի պահպանմանը և տարածմանը:
Նախագծի նպատակները՝
- Բարձրացնել թանգարանի ճանաչելիությունը և խթանել հանրային հետաքրքրությունը նրա բացառիկ հավաքածուի նկատմամբ՝ պահպանելով Հայաստանի մշակութային արժեքները և ապահովելով, որ դրանք շարունակեն ոգեշնչել ապագա սերունդներին:
Կերոն զարգացման հիմնադրամը, Երևանի ռուսական արվեստի թանգարանի հետ համագործակցության շրջանակներում, ներկայացրեց քաղաքի մշակութային կյանքը հարստացնող և թանգարանային նոր փորձառություն առաջարկող երկու նախաձեռնություններ:
ԵՐԱԺՇՏԱԿԱՆ ՈՒՐԲԱԹՆԵՐ
Մայիս – Սեպտեմբեր, 2024
Յուրաքանչյուր ուրբաթ երեկոյան ժամը 8-ին թանգարանի առջևի հատվածում հնչում էր դասական և ժամանակակից երաժշտություն կենդանի կատարմամբ՝ ստեղծելով մշակութային աշխույժ մթնոլորտ Կասկադում
Դասական, ջազային, փոփ և ռոք երաշժտության 14 համերգ
ՍՏԵՂԾԱԳՈՐԾԱԿԱՆ ՇԱԲԱԹՆԵՐ
Մայիս – Սեպտեմբեր, 2024
Յուրաքանչյուր շաբաթ ժամը 11-ին թանգարանի դիմաց անցկացվում էին բացօթյա վարպետության դասեր երեխաների համար՝ նպատակ ունենալով երիտասարդ սերնդի շրջանում խթանել սերը դեպի արվեստ և ստեղծագործական ինքնարտահայտում։
131 երեխաների մասնակցություն
