Երաժշտական Մետրո
«Կերոն» զարգացման հիմնադրամը՝ Երևանի մետրոպոլիտենի հետ համատեղ սկսում է «Երաժշտական Մետրո» նախագիծը։
2025 թվականի հունվարից մինչև մարտ, ամեն հինգշաբթի, «Երիտասարդական» կայարանում տեղի կունենան փոքր ֆորմատի երաժշտական ելույթներ տարբեր երաժիշտների մասնակցությամբ։ Կենդանի երաժշտության ինտեգրումը ամենօրյա երթևեկության մեջ նպատակ ունի հարստացնել քաղաքային մթնոլորտը և ստեղծել հաճելի պահեր մետրոյի ուղևորների և Երևանի բնակիչների համար։
Նախագծի ժամանակացույցը՝
Մեկնարկը: 2025թ․ հունվարի 9
Ավարտը: 2025թ․ մարտի 27
Հաճախականությունը: Ամեն հինգշաբթի
Վայրը: Մետրոյի Երիտասարդական կայարան
Նախագծի հիմնական նպատակներն են՝
- Քաղաքային առօրյան դարձնել ավելի հետաքրքիր և հաղորդել դրական էմոցիաներ մետրոյի ուղևորներին
- Ստեղծել մշակութային նոր և ակտիվ միջավայր հանրային տարածքներում
- Նպաստել երիտասարդ տաղանդավոր երաժիշտների բացահայտմանը՝ տրամադրելով նրանց անվճար բեմահարթակ
Նախագծի առաջին մասնակիցը Liberta Quartet-ն էր: Քառյակը ելույթ ունեցավ հունվարի 9-ին ժամը 17:00-ին մետրոյի «Երիտասարդական» կայարանում։
Հաջորդ ելույթները կհայտարարվեն ամեն շաբաթ՝ ներկայացնելով տարբեր ժանրերի երաժիշտների։
«Երաժշտական մետրո» նախագիծը նպատակ ունի խթանել մշակութային նախաձեռնությունների իրականացումը Երևանի հանրային տարածքներում։ Մետրոյի առօրյայում երաժշտության հաջող ինտեգրումը հանդես է գալիս որպես օրինակ, որը ցույց է տալիս, թե ինչպես կարող են ստեղծարար միջամտությունները բարձրացնել քաղաքային կյանքի որակը։