ԵՊԲՀ գրադարանի վերակառուցում

Երևանի պետական բժշկական համալսարանի գրադարանի վերակառուցումը նպատակ ունի այն վերափոխել ժամանակակից և ոգեշնչող ուսումնական ու հետազոտական միջավայրի: Նախագիծը ներառում է բաց և փակ դահլիճների ստեղծում, նորագույն տեխնոլոգիաների ներդրում և հարմարավետ հանգստի գոտիների ձևավորում՝ ամբողջն ուղղված ուսումնական գործընթացի բարելավմանը:

Օգոստոսին  հայտարարված ճարտարապետական մրցույթի արդյունքում հաղթող ճանաչվեց  Defesche van den Putte (DVDP) նիդեռլանդական ճարտարապետական ընկերությունը, որը հայտնի է իր բազմաբնույթ նորարարական նախագծերով քաղաքաշինության, կրթական, մշակութային ոլորտներում: Նրանց նախագծերի  շարքում են Ռոտերդամի Էրազմուս համալսարանի, Մաստրիխտի համալսարանի և Հաագայի թագավորական գրադարանները: Սեպտեմբերին DVDP ընկերության ներկայացուցիչների, «Կերոն» զարգացման հիմնադրամի և Երևանի պետական բժշկական համալսարանի միջև ստորագրվեց համագործակցության համաձայնագիր, կատարվեց շրջայց ապագա գրադարանի տարածքով և քննարկվեցին վերակառուցման աշխատանքների  բոլոր մանրամասները  և համագործակցության հետագա փուլերը:

Նախագծի նպատակներն են՝

• Ստեղծել ժամանակակից գրադարան, որը կծառայի որպես կրկնօրինակվող մոդել՝ աջակցելով ուսանողների կրթական ձգտումներին, խթանելով գիտահետազոտական աշխատանքները և բարձրացնելով Երևանի պետական բժշկական համալսարանի հեղինակությունը՝ որպես բժշկական կրթության առաջատար հաստատություն:

Երևանի պետական բժշկական համալսարանի գրադարանի վերանորոգումը կարևոր քայլ է մեր շարունակական ջանքերում՝ աջակցելու կրթությանը և նորարարությանը Հայաստանում:

Նորություններ

«Կերոն» զարգացման հիմնադրամը մեկնարկել է Երևանի պետական բժշկական համալսարանի գրադարանի վերակառուցման նախագիծը

ԵՊԲՀ-ի նոր գրադարանի նախաձեռնությունը քայլ առ քայլ կյանքի է կոչվում