«Կերոն» զարգացման հիմնադրամը սկսում է համագործակցություն «Մատենա» մասնագիտական զարգացման միջազգային դպրոցի հետ
«Կերոն» զարգացման հիմնադրամը սկսում է համագործակցություն «Մատենա» մասնագիտական զարգացման միջազգային դպրոցի հետ՝ նպատակ ունենալով աջակցել կրթությանը և խթանել նորարարական ու կրթական գաղափարներով համայնքի ձեւավորմանը։
«Մատենա»-ի հիմնադրման օրվանից ի վեր «Կերոն» զարգացման հիմնադրամը եղել է նրա գլխավոր աջակիցը՝ ընդգծելով հիմնադրամի նվիրվածությունն ապագա առաջնորդների և կրթական նախաձեռնությունների զարգացմանը։ Այս համագործակցությունը նպատակ ունի ընդլայնելու կրթական հնարավորությունները Հայաստանում և նրա սահմաններից դուրս և հարթակ ստեղծելու մասնագետների միջև գիտելիքների փոխանակման համար:
«Մատենա» միջազգային դպրոցն աչքի է ընկնում իր տպավորիչ համագործակցություններով ու ծրագրերով։ Դպրոցը համագործակցում է աշխարհի լավագույն 20 բիզնես դպրոցներից 6-ի հետ՝ ըստ Financial Times-ի դասակարգման: Ավելի քան 200 կազմակերպություններ մասնակցել են «Մատենա»-ի ծրագրերին, իսկ շրջանավարտների ակումբն ունի մոտ 360 անդամ, որոնք ներգրավված են բիզնես և սոցիալական ծրագրերում: Դպրոցի գլխավոր մասնաշենքը գտնվում է Բաղրամյան փողոցի պատմական առանձնատանը, որը կառուցվել է 1940-ականներին հայ ճարտարապետ Կորյուն Հակոբյանի կողմից։ Մատենան նաև համատեղ ծրագրեր է իրականացնում ESMT Բեռլինի՝ Գերմանիայի առաջատար բիզնես դպրոցի հետ և ամեն տարի եռօրյա առաջնորդական ճամբար է անցկացնում Կիպրոսում:
Միջազգային գործընկերների հետ համագործակցությունը և տեղացի բարձրակարգ մասնագետների փորձն ու գիտելիքները ի նպաստ օգտագործելով` «Մատենա»-ն հավակնում է դառնալ մասնագիտական կրթության առաջատար կենտրոններից մեկը Հայաստանում և տարածաշրջանում։ «Կերոն» զարգացման հիմնադրամն աջակցում է այս առաքելությանը՝ ի սկզբանե նպաստելով դպրոցի կայացմանն ու զարգացմանը:
«Մեր համագործակցությունը «Մատենա» առաջնորդության և մասնագիտական զարգացման միջազգային դպրոցի հետ վկայում է մեր ընդհանուր տեսլականի մասին՝ նպաստելու համայնքի ստեղծմանը, որտեղ զարգանում են կրթական և նորարարական գաղափարներ», — նշում է «Կերոն» զարգացման հիմնադրամի գործադիր տնօրեն Վանե Արարքցյանը: «Մենք հավատում ենք, որ այս գործընկերությունն առանցքային դեր կխաղա ապագա առաջնորդների ձևավորման գործում, որոնք իրենց հերթին էլ կնպաստեն դրական փոփոխությունների առաջացմանը Հայաստանում և նրա սահմաններից դուրս»:
«Կերոն» զարգացման հիմանդրամի մասին լրացուցիչ տեղեկությունների համար այցելեք keronfoundation.am:
Մատենա Առաջնորդության և Մասնագիտական Զարգացման Միջազգային Դպրոցի մասին ավելին իմանալու համար այցելեք matena.am:
