Գիլեռմո Մասիա Սալոմը իսպանացի տիմպանահար և հարվածային գործիքների երաժիշտ է, ով ներկայումս բնակվում և ստեղծագործում է Երևանում։ Նա կրթություն է ստացել Եվրոպայի մի շարք հեղինակավոր երաժշտական հաստատություններում, այդ թվում՝ Մադրիդի Թագավորական կոնսերվատորիայում, MUSIKENE-ում և Մաստրիխտի կոնսերվատորիայում։ Ուսանել է աշխարհահռչակ մասնագետների մոտ, ինչպեսիք են՝ Ռեյմոնդ Քուրդսի (Բավարիայի ռադիոյի սիմֆոնիկ նվագախումբ, Լուցեռնի փառատոն, Բայրոյթի փառատոնային նվագախումբ) և Խավիեր Ասանզայի (Փարիզի նվագախումբ) մոտ։
Գիլեռմոն հանդես է եկել մի շարք նշանավոր նվագախմբերի հետ, այդ թվում՝ Իսպանիայի ազգային նվագախումբ (OCNE), Հեսենի պետական թատրոն (Վիսբադեն), Աախենի սիմֆոնիկ նվագախումբ։ Համագործակցել է ճանաչված դիրիժորների հետ՝ Թեոդոր Կուրենտսիս, Քրիստոֆ Էշենբախ, Դավիդ Աֆքհամ, Խոսեպ Պոնս, Ալոնդրա դե լա Պառա։
Իր կարիերայի սկզբում եղել է մի շարք երիտասարդական նվագախմբերի հիմնական անդամ՝ JONDE, NJO և GMJO։ Գիլեռմոն համատեղում է տեխնիկական վարպետությունն ու միջազգային փորձը՝ բեմում ունենալով հզոր ու նրբաճաշակ ներկայություն։
