Տաթևը աշխատել է Բրուքլինի երաժշտության ակադեմիայում, վարել է երգերի ստեղծման և ձայնագրման վարպետության դասեր Թումո ստեղծարար տեխնոլոգիաների կենտրոնում։ Ունի ավելի քան 20 տարվա բեմական փորձ՝ որպես մենակատար և որպես համերգային համագործակցող բազմաթիվ արտիստների, պարողների և ռեժիսորների հետ ամբողջ աշխարհում։
Նա ելույթ է ունեցել լեգենդար Պակիտո դ’Ռիվերայի հետ Ուրուգվայում՝ Պունտա դել Էստեի միջազգային ջազ փառատոնում, ձայնագրել և հանդես է եկել Տիգրան Համասյանի, «Գրեմմի»-ի անվանակարգ ստացած Արտո Թունջբոյաջյանի, Բենիտո Գոնսալեսի և իր մշտական խմբի՝ Campblicated-ի և այլոց հետ։
Տաթևը երաժշտական դեսպան է և մասնակցել է OneBeat Colombia ծրագրին, որն իրականացվել է ԱՄՆ Մշակույթի և Կրթության բյուրոյի հովանու ներքո։ Նա ստացել է YoungArts կոմպոզիտորի դրամաշնորհը 2016 թվականին՝ «Transformational Film Series» ծրագրի համար։ Նրա վոկալ գործիքավորումը «Sounds of Sevan» նախագծում՝ համագործակցությամբ Music of Armenia-ի հետ, հաղթել է London International Motion Pictures Awards-ում՝ 2019 թվականին։ Նրա «Unframed» կարճամետրաժ ֆիլմը 2020-ին դարձել է Cayenne կարճամետրաժ ֆիլմերի փառատոնի հաղթող։
Տաթևի երաժշտական ազդեցությունները, ձայնի համընդհանուրության հանդեպ հավատը, տարբեր ազգերի հեքիաթներից ու լեզուներից ստացած ոգեշնչումները, ինչպես նաև մայր բնության հետ կապը կերտել են ժանրերով չսահմանափակված մի հարուստ և դինամիկ ստեղծագործական ուղի։
