Երեք հանրային խաղահրապարակներ Երևանում

Խաղահրապարակները մշակվել են ոլորտի բարձր փորձ ունեցող տեղական եւ միջազգային մասնագետների մասնակցությամբ։ Դրանք ունեն ինչպես միջազգային ստանդարտներին համապատասխան և եվրոպական առաջադեմ քաղաքներում արդեն շահագործվող խաղային տարրեր՝ ճոճանակներ ու սահարաններ, աշխարհի առաջատար արտադրողներից, այնպես էլ հատուկ պատվերով Երեւանի համար ստեղծված խաղային սարքավորումներ։

Խաղահրապարակները նախագծելիս՝ հաշվի են առնվել ծնողների, հարակից տարածքների բնակիչների կարծիքները. այդ նպատակով իրականացվել են ֆոկուս խմբեր և քննարկումներ։ Բարձրաձայնված դիտարկումները ներառվել են նախագծման փուլում։

Խաղահրապարակը նախագծված են՝ հաշվի առնելով երեխաների անվտանգությունն ու բնապահպանական բարձր ստանդարտները: Տարածքի հիմնական գոտիներում օգտագործվելու են փափուկ խճաքարային և ռետինե ծածկույթներ, իսկ խաղային տարրերի հիմնական մասը պատրաստված է լինելու բնական փայտից և վերամշակված նյութերից։ Նախագծման առաջնահերթություններից է նաև առկա կանաչապատ տարածքների լիարժեք պահպանումը եւ նոր կանաչապատ գոտիների ստեղծումը:

Այս խաղահրապարակները ոչ միայն երեխաների խաղի տարածք են, այլև մտածված միջավայր՝ զարգացնելու նրանց երևակայությունը, շարժողական հմտությունները և շփումը:

Խաղահրապարակ 2.

Կենաց ծառի հիշողությունը.
վիշապագորգ 

Տարածք՝ Խաչքարերի պուրակ, Հանրապետության հրապարակի հարևանությամբ

Մեծություն՝ 800 քմ

Տարիքային խմբեր՝ 0-3, 3-7

Գործընկեր՝ «Արմբրոկ» ներդրումային ընկերություն

Բրենդինգ՝ Jinj Branding

Պաշտոնական բացում: Դեկտեմբեր, 2025

Այս խաղահրապարակը մի յուրահատուկ տարածք է, որտեղ հայկական ավանդույթը համադրվում է ժամանակակից դիզայնի և երևակայության ուժի հետ։ Նրա կենտրոնական ոգեշնչումը՝ ավանդական հայկական գորգն է, որի երկրաչափական նախշերն ու գույները վերածվել են խաղային բլրակների, թունելների և սահարանների։

Նախագծված է 0–3 և 3–7 տարեկան երեխաների համար՝ ապահովելով հարմարավետ, անվտանգ և ստեղծագործ միջավայր։