Երեք հանրային խաղահրապարակներ Երևանում

Խաղահրապարակ 1.

Կարմրախայտ. թաքնված գետի գաղտնիքները

Տարածք՝ Օղակաձև այգու 6-րդ հատված, Գրիգոր Լուսավորիչ եկեղեցու հարևանությամբ

Մակերես՝ 2000 քմ

Տարիքային խումբ՝ 0-12

Բրենդինգ՝ Braind

Պաշտոնական բացում՝ 2025թ. սեպտեմբերի 21

Խաղահրապարակը թեմատիկորեն ձևավորված է որպես երևակայական ջրային աշխարհ՝ ալիքներով, ձկներով և կղզիներով։ Դրա կենտրոնում տեղադրված է Հայաստանի գետային ձկներից մեկի՝ կարմրախայտի խաղային կառույցը, որն ալիքաձև կախովի ցանցերի հետ միասին ձևավորում է շուրջ 27 մետրանոց խաղային համալիր, որտեղ երեխաները կարող են մագլցել, սահել և խաղալ ինչպես միայնակ, այպես էլ խմբերով։  Խաղահրապարակն առաջարկում է խաղի բազմազան տեսակներ. արկածային խաղեր՝ մագլցման ցանցերի և թունելների միջոցով,  բնական նյութերի հիմքով զգայական և շոշափելի խաղեր, սահարաններ և այլն: «Կարմրախայտ» խաղահրապարակը նախագծված է այնպես, որ յուրաքանչյուր երեխա գտնի իր տարիքին և զարգացման փուլին համապատասխան հետաքրքիր խաղային տարրեր։

Ծանոթացե՛ք խաղահրապարակի բոլոր տարրերին ու դրանց ներառական առանձնահատկություններին

Խաղահրապարակ 3.

Հայ գյուտարարներ. գիտությունը ներսից դուրս

Տարածք՝ Միսաք Մանուշյանի անվան պուրակ

Մակերես՝ 700 քմ

Տարիքային խումբ՝ 3-12

Գործընկեր՝ «Փեյփր» ընկերություն

Բրենդինգ՝ Zuck 

Պաշտոնական բացում՝ 2026թ. մայիսի 4

Երևանի առաջին ուղղահայաց խաղահրապարակում երեխաները ոչ միայն խաղում են, այլև հաղթահարում երեք տարբեր մակարդակի բարձրություններ՝ հասնելով քաղաքի ամենաբարձր՝ 6 մետրանոց սահարանին։ Խաղահրապարակը նախատեսված է 3-12 տարեկան երեխաների համար և ապահովում է բազմաֆունկցիոնալ և ֆիզիկապես գրավիչ փորձառություն։ Մոտավորապես 700 քառակուսի մետր տարածք զբաղեցնող խաղահրապարակն առանձնանում է իր թեմատիկ դիզայնով։ Այն ոգեշնչված է հայկական գիտական ​​մտքից և ստեղծված է այնպես, որ երեխաները կարողանան խաղի միջոցով ուսումնասիրել գիտության աշխարհը։ Տարածքի կենտրոնական մասը 6 ​​մետր բարձրությամբ աշտարակն է, որի շուրջ կառուցված է ամբողջ խաղային միջավայրը: Ներառված են ինտերակտիվ տարրեր, որոնք ներկայացնում են ֆիզիկայի, աստղագիտության և ճարտարագիտության հիմնական հասկացությունները։ Խաղահրապարակը բաղկացած է մի քանի թեմատիկ գոտուց։ Գլխավոր աշտարակի տարածքում ներառված են ժայռամագլցման ցանցեր, սահուղիներ և գիտական ​​վահանակներ, որոնք խորհրդանշում են հայտնագործությունն ու նորարարությունը։ Կա նաև առանձին գոտի՝ փոքրիկ ինտերակտիվ լաբիրինթով՝ երեխաների հետազոտական ​​հմտությունները և տրամաբանական մտածողությունը խրախուսելու համար։ Խաղահրապարակը պարունակում է նաև ներառական տարրեր, որոնք ապահովում են բոլոր երեխաների համար հավասար հնարավորություններ։ Այն համատեղում է խաղը և կրթությունը՝ աջակցելով երեխաների ֆիզիկական, սոցիալական և մտավոր զարգացմանը, ինչպես նաև միաժամանակ նրանց ծանոթացնելով ականավոր հայ գիտնականների նվաճումներին։

Ծանոթացե՛ք խաղահրապարակի բոլոր տարրերին ու դրանց ներառական առանձնահատկություններին